ក្រុមហ៊ុន ហ្កា.អ៊ី.យ៉ា ភីអិលស៊ី

ក្រុមហ៊ុន ហ្កា.អ៊ី.យ៉ា ភីអិលស៊ី 

គ្រប់គ្រងសំណល់រឹង

ក្រុមហ៊ុន ហ្កា.អ៊ី.យ៉ា ភីអិលស៊ី បានបើកដំណើរការចាប់តាំងពីខែកក្កដា ឆ្នាំ២០០៧ ក្នុង​គោលបំណង​ផ្ដល់​សេវា​​សំអាត ប្រមូល ដឹកជញ្ជូន និងបញ្ចេញចោលសំណល់រឹង(សំរាម) ក្នុងទីប្រជុំជននានាទូទាំងប្រទេស​កម្ពុជា ហើយ​បច្ចុប្បន្នកំពុងប្រតិបត្តិការនៅក្នុង​ខេត្ត​ចំនួន ៤ គឺ សៀមរាប បន្ទាយមានជ័យ កំពង់ធំ និងកំពត ។

ការវិវឌ្ឍន៍របស់ក្រុមហ៊ុន

ចាប់តាំងពីខែមករា ឆ្នាំ២០១៦មក ក្រុមហ៊ុនបានរៀបចំរចនាសម្ព័ន្ធមួយចំនួនឡើងវិញដើម្បីសម្រេចគោលបំណងពីរគឺ ទីមួយ រៀបចំឲ្យមានស្តង់ដារនូវដំណើរការផ្សេងៗ ដើម្បីបំរើសេវាកម្មជូនអតិថិជនឲ្យបានកាន់តែល្អប្រសើរ ។ ទីពីរ កាត់​បន្ថយ​​ផល​ប៉ះពាល់ដល់បរិស្ថាន ដោយណែនាំ និងអនុវត្តការចោលសំរាមប្រកបដោយនិរន្តរភាព និងការទាញយកធនធានពីសំរាម ។

 

សេវាកម្មរបស់យើង

សេវាប្រមូល និងដឹកជញ្ជូនសំណល់រឹង(សំរាម)

ក្រុមហ៊ុន ហ្កា.អ៊ី.យ៉ា ភីអិលស៊ី ប្រមូល និងដឹកជញ្ជូនសំណល់រឹង(សំរាម) ពីគ្រប់លំនៅដ្ឋាន និង​ទីតាំង​អាជីវកម្ម​ទាំងឡាយ ​ដែលបានធ្វើកិច្ចព្រមព្រៀងប្រមូលសំណល់រឹងជាមួយក្រុមហ៊ុននៅក្នុងក្របខណ្ឌ​ប្រតិបត្តិការ​ដែល​បាន​​ទទួល​ស្គាល់​ដោយ​រាជរដ្ឋាភិបាលកម្ពុជា ។ ក្រុមហ៊ុន​ទទួល​បន្ទុក​ប្រមូល និងដឹកជញ្ជូន​សំរាម​ក្នុង​លក្ខខណ្ឌ​ដែល​សំរាមបានទុកដាក់ក្នុងធុងសំរាមដោយត្រឹមត្រូវ ហើយក្រុមហ៊ុនមិនទទួលខុសត្រូវលើសំណល់នៃការដ្ឋានសាងសង់ សំណល់ពីសួនច្បារ និងសំណល់ឧស្សាហកម្មឡើយ ។ ទោះជាដូច្នេះក្ដី ក្រុមហ៊ុនយើងអាចផ្ដល់​សេវាពិសេស​តាម​តម្រូវការរបស់អតិថិជន ដូច្នេះ សូមទាក់ទងមកកាន់ក្រុមហ៊ុនយើងសំរាប់ពត៌មានបន្ថែម ។

សេវាសំអាតផ្លូវថ្នល់សាធារណៈ និងថែសួន

ក្រុមហ៊ុន ហ្កា.អ៊ី.យ៉ា ភីអិលស៊ី ទទួលបន្ទុកបោសសំអាតផ្លូវថ្នល់សំខាន់ៗនៅក្នុងក្រុង និងថែសំអាតសួនច្បារ​សាធារណៈមួយចំនួន ។ ក្នុងករណី​មានតម្រូវការពិសេសណាមួយលើសេវាសំអាតរបស់ក្រុមហ៊ុន សូមទាក់ទង​មក​កាន់ក្រុមហ៊ុនយើងសំរាប់ពត៌មានបន្ថែម ។

សេវាកម្មដោយឡែកផ្សេងទៀត

ក្រុមហ៊ុនយើងខ្ញុំមានផ្ដល់សេវាកម្មដោយឡែកផ្សេងទៀតដូចជា ៖

  1. លក់ធុងសំរាម

  2. ប្រមូល និងដឹកជញ្ជូនសំណល់រឹងដែលមានម្ដងម្កាល (ឧទាហរណ៍ សំណល់រឹងនៃការដ្ឋានសាងសង់ ឬការកាត់ស្មៅ និង​ដើមឈើ) ដោយប្រើប្រាស់ទ្រុងកុងតឺន័រទំហំ ៨ ម៉ែត្រការេ

  3. សេវាសំអាតសំរាប់ព្រឹត្តិការណ៍ពិសេសផ្សេងៗ ។

យើងខ្ញុំសូមឆ្លៀតឱកាសជម្រាបជូនដល់ លោក លោកស្រីដែលជាអតិថិជន​ឲ្យបាន​ជ្រាប​ផងដែរ​ថា លោក លោកស្រី អាចបង់​ថ្លៃឈ្នួល​​​សេវាផ្សេងៗ​ជូន​ដល់​ក្រុមហ៊ុន​បានតែក្នុងករណី​ដែល​បាន​ទទួល​វិក្កយបត្រ​ពី​ក្រុមហ៊ុន​តែប៉ុណ្ណោះ ។

ការញែក កែច្នៃសំរាម និងធ្វើជីកំប៉ុស្ត

បច្ចប្បន្ន ក្រុមហ៊ុនកំពុងសិក្សា និងអនុវត្តគម្រោងដំបូងគេក្នុងការកែច្នៃសំរាមដែលរួមមាន ៖

  1. ធ្វើជីកំប៉ុស្ត ដោយប្រើសំណល់ចំណីអាហារបានមកពីផ្សារ និងភោជនីយដ្ឋាននានា

  2. កិនបំលែងសំណល់ដប់(កែវ) ដើម្បីធ្វើខ្សាច់

  3. កែច្នៃដបជ័រ និងកំប៉ុង(ដែក អាលុយម៉ីញ៉ូម) ។

ទីលានចាក់សំរាម

ក្រុមហ៊ុនបានបង្ហាញនូវគម្រោងអភិវឌ្ឍទីលានចាក់សំរាមបច្ចេកទេសដំបូងគេមួយក្នុងប្រទេសកម្ពុជា សំរាប់​អនុវត្តលើទីលានចាក់សំរាមខេត្តសៀមរាបជូនដល់​ក្រសួង​បរិស្ថាន ។ មកទល់ពេលនេះ ការអនុវត្ត​គម្រោង​ត្រូវ​បាន​ពន្យាពេលជាបណ្ដោះអាសន្ន ។

 

ទំនួលខុសត្រូវផ្នែកបរិស្ថាន និងសង្គម

កែលម្អលក្ខខណ្ឌការងារ សុខភាព និងសុវត្ថិភាព

រចនាសម្ព័ន្ធទីតាំងធ្វើការថ្មីរបស់ក្រុមហ៊ុនផ្ដល់​ដល់​បុគ្គលិក​ និងកម្មករទាំងអស់​នូវ​លក្ខខណ្ឌ​ការងារ​ប្រកប​ដោយ​ផាសុខភាព និងគោរពតាមស្តង់ដារសុខភាព និងសុវត្ថិភាព ។ រចនាសម្ព័ន្ធទីតាំងដែលបំរើដល់បុគ្គលិក កម្មកររួមមាន អាហារដ្ឋាន កន្លែងបោកគក់សម្លៀកបំពាក់ បន្ទប់ផ្លាស់សំលៀកបំពាក់ បន្ទប់សង្គ្រោះបឋម និងផ្ទះស្នាក់សំរាប់បុគ្គលិក កម្មករ ។ រោងជាងជួសជុលមានបំពាក់ឧបករណ៍ និងសម្ភារៈចាំបាច់ជាច្រើនដើម្បី​ប្រើប្រាស់ស្របតាមស្តង់ដារសុខភាព និងសុវត្ថិភាព ។ ក្រុមហ៊ុនខិតខំធានាសុវត្ថិភាពដល់កម្មករដែលបំពេញ​តួនាទី​ក្រៅ​ទីតាំង​របស់​ក្រុមហ៊ុន​ដោយ​តម្រូវឲ្យ​ពួកគេពាក់ឯកសណ្ឋាន អាវសុវត្ថិភាព និងប្រើប្រាស់កោណ​ចរាចរណ៍ជាដើម ។ល។ បរិស្ថាននៃទីតាំងកាងារត្រូវបានថែរក្សាដោយសារការដាំដើមឬស្សី ដើមចេក និងបន្លែផ្សេងៗ ហើយ​ប្រព័ន្ធ​បង្ហូរ​ទឹក និងសំអាតទឹកកខ្វក់ត្រូវបានរៀបចំឲ្យដំណើរការជាប្រចាំ ។

Show More

ការលើកកម្ពស់ការយល់ដឹងពីបរិស្ថាន

ក្រុមហ៊ុន ហ្កា.អ៊ី.យ៉ា ភីអិលស៊ី កំពុងធ្វើកិច្ចសហការជាមួយស្ថាប័នរដ្ឋ និងអង្គការមិនមែនរដ្ឋាភិបាលនានា ដើម្បី​លើក​កម្ពស់ការយល់ដឹងពីបរិស្ថាននៅក្នុងសហគមន៍មូលដ្ឋាន តាមរយៈកម្មវិធីសិក្សាអប់រំ សកម្មភាពសំអាត និង​វគ្គ​បណ្ដុះ​បណ្ដាល ដោយមានទិសដៅអាទិភាពសំរាប់សាលារៀនសាធារណៈ និងភូមិក្រីក្រ ។ ការបញ្ជ្រៀបការយល់ដឹង​ត្រូវបានអនុវត្តលើប្រធានបទស្ដីពី ផលប៉ះពាល់លើបរិស្ថាន និងសុខភាពមនុស្សបណ្ដាលមកពីការដុត ឬចោលសំរាមតាមទីសាធារណៈ ការណែនាំអំពីជម្រើសនៃការប្រើប្រាស់សម្ភារៈផ្សេងៗជំនួសឲ្យថង់ ឬដប​ប្លាស្ទិក​ដែល​ប្រើតែម្ដងហើយចោល រួមទាំងការផ្ដល់វគ្គបណ្ដុះបណ្ដាលអំពីការញែក ការកែច្នៃសំរាម ការទុកដាក់ ឬវេចខ្ចប់សំរាមដោយត្រឹមត្រូវ ។

 
Show More

ពួកយើងរងចាំស្ដាប់រាល់សំនួរនិង មតិយោបល់ផ្សេងៗពីលោក អ្នក

ចំពោះការរិះគន់ សំណូមពរ និងតម្រូវការផ្សេងៗ សូមលោកអ្នកទាក់ទងមកកាន់ក្រុមហ៊ុនយើងដើម្បីឲ្យ​ពួកយើង​​​អាចបំរើសេវាកម្មជូនដល់លោកអ្នកឲ្យបានកាន់តែល្អប្រសើរថែមទៀត ។

អាសយដ្ឋាន ៖ ភូមិព្រៃគុយ ឃុំអំពិល ស្រុកប្រាសាទបាគង ខេត្តសៀមរាប ប្រទេសកម្ពុជា

អ៊ីម៉ែល ៖ info@gaea.com.kh

ហៅចូលដោយមិនគិតថ្លៃ ៖ 1800 20 86 87

 

GAEA WASTE MANAGEMENT

GAEA was established in July 2007 with the aim to provide waste management services for municipalities throughout Cambodia and is now operating in four provinces: Siem Reap, Bantey Minchey, Kampong Thom and Kampot.

Address

Road 67, Prey Kui Village, Ampil Commune, Prasat Bakong District, Siem Reap Province, Cambodia

Contact

Follow

Free Toll: 1800 20 86 87

Phone: 012 605 623

©2017 by GAEA Waste Management Company. Proudly created with Wix.com